సంజూకి మరో ఛాన్స్‌ ఇస్తారా? మయాంక్‌పై ఉత్కంఠ

రాంచీ: వెస్టిండీస్‌తో ఐదు టీ20ల సిరీస్‌లో భారత్‌ 1-0 ఆధిక్యంలో ఉంది. తొలి మ్యాచ్‌లో 8 వికెట్ల తేడాతో విజయం సాధించిన టీమిండియా.. శుక్రవారం రాంచీలో జరిగే రెండో మ్యాచ్‌లోనూ గెలిచి సిరీస్‌లో పట్టు బిగించాలని చూస్తోంది. అయితే ఈ మ్యాచ్‌కు ముందు భారత తుది జట్టుపైనే అందరి దృష్టి ఉంది. సంజూను కొనసాగిస్తారా? తొలి టీ20లో సంజూ శాంసన్‌ 11 పరుగులకే పెవిలియన్‌ చేరాడు. అంతకుముందు మ్యాచ్‌ల్లోనూ అతడి నుంచి ఆశించిన స్థాయిలో పరుగులు రాలేదు. దీంతో రెండో టీ20లో సంజూకి మరో అవకాశం ఇస్తారా? లేక యువ ఆటగాడు వైభవ్‌ సూర్యవంశీని తుది జట్టులోకి తీసుకుంటారా? అన్నది ఆసక్తిగా మారింది. పవర్‌ప్లేలో దూకుడుగా...