‘ఇరుముడి’ సక్సెస్‌పై రవితేజ ఎమోషనల్.. 50 ఏళ్లలో ఇలాంటి విజయం చూడలేదన్న నిర్మాతలు

సినిమా చూసి కన్నీళ్లు పెట్టుకున్న రవితేజ
హిరాణీ సినిమాల తరహా భావోద్వేగం ఉందన్న మాస్ రాజా
20 ఏళ్లుగా థియేటర్లకు రాని వారు కూడా సినిమా చూస్తున్నారని వెల్లడి
విడుదలైన 1.5 రోజుల్లోనే లాభాల్లోకి వచ్చిందన్న నిర్మాతలు
50 ఏళ్లలో ఇలాంటి విజయం చూడలేదని డిస్ట్రిబ్యూటర్ల వ్యాఖ్య
దర్శకుడికి స్వేచ్ఛ ఇస్తే మంచి సినిమాలు వస్తాయన్న శివ నిర్వాణ

హైదరాబాద్‌లో నిర్వహించిన ‘ఇరుముడి’ సక్సెస్ మీట్‌లో రవితేజ మాట్లాడుతూ.. సినిమా తనను ఎంతో కదిలించిందని తెలిపారు. సాధారణంగా తాను త్వరగా చలించనని, కానీ ఈ సినిమా చూస్తూ కన్నీళ్లు పెట్టుకున్నానని చెప్పారు. రాజ్‌కుమార్ హిరాణీ సినిమాల తరహా భావోద్వేగ అనుభూతిని ‘ఇరుముడి’ అందించిందన్నారు.
జీవీ ప్రకాశ్ సంగీతం సినిమాకు ప్రధాన బలంగా నిలిచిందని రవితేజ ప్రశంసించారు. చాలా ఏళ్లుగా థియేటర్లకు దూరంగా ఉన్న ప్రేక్షకులు సైతం ఈ సినిమాను చూసేందుకు వస్తుండటం ఆనందంగా ఉందన్నారు.
దర్శకుడు శివ నిర్వాణ మాట్లాడుతూ.. ప్రేక్షకులకు భావోద్వేగంగా కనెక్ట్ అయ్యేలా సినిమాను తెరకెక్కించామని తెలిపారు. నిర్మాతలు మాట్లాడుతూ.. విడుదలైన కేవలం ఒకటిన్నర రోజుల్లోనే సినిమా లాభాల్లోకి వచ్చిందని, గత 50 ఏళ్లలో ఇలాంటి విజయాన్ని చూడలేదని డిస్ట్రిబ్యూటర్లు చెబుతున్నారని పేర్కొన్నారు.