మసాలాలు త్వరగా పాడవకుండా ఉండాలంటే నిల్వ చేసే విధానంలో కొన్ని జాగ్రత్తలు పాటించాలి. గాలి చొరబడని డబ్బాల్లో వాటిని భద్రపరచడం మంచిది. స్టవ్‌ దగ్గర కాకుండా తేమ, ఆవిరి తగలని ప్రదేశంలో ఉంచాలి.
మసాలాలు తీసుకునేటప్పుడు తడి చెంచాలు ఉపయోగించకూడదు. పొడి మసాలాలతో పోలిస్తే గింజల రూపంలో ఉన్న మసాలాలు ఎక్కువ కాలం నాణ్యతను నిలుపుకుంటాయి. ముఖ్యంగా వర్షాకాలంలో తేమ నుంచి వాటిని కాపాడాలి. వాసన లేదా రంగులో మార్పులు కనిపిస్తే, వాటిని ఉపయోగించకుండా పారేయడం మంచిది.
