ఆంధ్రప్రదేశ్‌లో సాధారణం కంటే 52 శాతం వర్షపాతం లోటు నమోదైందని సీఎం చంద్రబాబు నాయుడు ఆందోళన వ్యక్తం చేశారు. దేశవ్యాప్తంగా 14 శాతం వర్షపాత లోటు ఉండగా.. రాష్ట్రంలో పరిస్థితి మరింత తీవ్రంగా ఉందని తెలిపారు.
ఎల్‌నినో ప్రభావాన్ని ఎదుర్కొనేందుకు అన్ని శాఖలు సమన్వయంతో పనిచేయాలని అధికారులను ఆదేశించారు. ముఖ్యంగా తాగునీరు, పశుగ్రాసం అందుబాటులో ఉండేలా చర్యలు తీసుకోవాలని సూచించారు.
విపత్తు నిర్వహణ కింద కేంద్రం నుంచి అవసరమైన నిధులను తీసుకురావాలని, ప్రభుత్వం చేపడుతున్న చర్యలను ప్రజలకు వివరించాలని చంద్రబాబు పేర్కొన్నారు. ఎల్‌నినో ప్రభావంపై ప్రజల్లో అవగాహన కల్పించాలని సూచించారు.
