ఎయిర్‌టెల్ తన కస్టమర్లకు ప్రత్యేక ప్రయోజనాన్ని అందిస్తోంది. ప్రముఖ భాషలు నేర్చుకునే వేదిక డ్యుయోలింగోతో భాగస్వామ్యం చేసుకున్న సంస్థ.. అర్హులైన కస్టమర్లకు 12 నెలల పాటు సూపర్ డ్యుయోలింగో ప్రీమియం సభ్యత్వాన్ని ఉచితంగా అందిస్తోంది.
ఎయిర్‌టెల్ యాప్‌లోని ‘రివార్డ్స్ & ఓటీటీలు’ విభాగం ద్వారా ఈ ఆఫర్‌ను పొందవచ్చు. మొబైల్‌తో పాటు వై-ఫై, డీటీహెచ్ కస్టమర్లకు కూడా ఈ సదుపాయం అందుబాటులో ఉంది.
ఈ ప్రీమియం సభ్యత్వంతో 40కి పైగా భాషలను నేర్చుకోవచ్చు. ప్రకటనలు లేకుండా పాఠాలు నేర్చుకోవడంతో పాటు, కృత్రిమ మేధ ఆధారిత మాట్లాడే అభ్యాసం వంటి అదనపు సదుపాయాలు కూడా పొందవచ్చు.
