మధ్యప్రదేశ్ సీఎం పదవికి రాజీనామా చేస్తున్నట్లు అభిజీత్ దీప్కే చేసిన సెటైరికల్ పోస్ట్ సోషల్ మీడియాలో వైరల్‌గా మారింది. బాలాఘాట్‌లో గిరిజన పిల్లల మరణాలకు ప్రభుత్వ వైఫల్యమే కారణమంటూ ఆయన వ్యంగ్యంగా లేఖ విడుదల చేశారు. ఆరోగ్యం, విద్య, తాగునీరు, పోషకాహారం వంటి అంశాల్లో ప్రభుత్వం విఫలమైందని విమర్శించారు. అయితే దీప్కే అసలు మధ్యప్రదేశ్ సీఎం కాకపోవడంతో ఇది వ్యంగ్యాత్మక ‘ఫేక్ రిజిగ్నేషన్ లెటర్’ అని స్పష్టమైంది. ఈ పోస్టుపై సోషల్ మీడియాలో అనుకూల, వ్యతిరేక స్పందనలు వెల్లువెత్తుతున్నాయి.
