నల్గొండ-వరంగల్‌-ఖమ్మం పట్టభద్రుల ఎమ్మెల్సీ ఎన్నికల్లో కాంగ్రెస్‌ అభ్యర్థిగా తాను పోటీలోనే ఉన్నానని ఆర్‌.సర్వోత్తమ్‌రెడ్డి స్పష్టం చేశారు. తాను పోటీ నుంచి తప్పుకున్నట్లు జరుగుతున్న ప్రచారంలో వాస్తవం లేదని శుక్రవారం విడుదల చేసిన ప్రకటనలో తెలిపారు.ఎమ్మెల్సీ ఎన్నికల్లో పోటీ చేయడం తన స్పష్టమైన నిర్ణయమని సర్వోత్తమ్‌రెడ్డి పేర్కొన్నారు. కాంగ్రెస్‌ పార్టీ తనపై ఉంచిన నమ్మకాన్ని నిలబెట్టుకుంటానని వెల్లడించారు.తన అభ్యర్థిత్వంపై పార్టీలోని ఓ మంత్రి అసంతృప్తితో ఉన్నారని, పోటీ నుంచి తప్పుకోవాలని తనపై ఒత్తిడి తెచ్చినట్లు ప్రచారం జరుగుతోంది. గురు, శుక్రవారాల్లో ఈ విషయంలో ప్రయత్నాలు జరిగినప్పటికీ.. ఎన్నికల బరిలో కొనసాగేందుకే సర్వోత్తమ్‌రెడ్డి నిర్ణయించుకున్నట్లు సమాచారం.
