ఫెడ్‌ నిర్ణయాల అంచనాలతో పసిడిపై ఒత్తిడి
గత వారంలో సుమారు 3 శాతం తగ్గిన బంగారం ధర
అమెరికా ఫెడ్‌ వడ్డీ రేట్ల పెంపు అంచనాల ప్రభావం
హైదరాబాద్‌లో 24 క్యారెట్ల 10 గ్రాముల బంగారం రూ.1,58,230
22 క్యారెట్ల బంగారం ధర రూ.1,45,040
కిలో వెండి ధర రూ.2,59,900
హైదరాబాద్: బంగారం ధరలు వరుసగా తగ్గుముఖం పడుతున్నాయి. గత వారం రోజుల్లోనే పసిడి ధర సుమారు 3 శాతం మేర క్షీణించింది. అమెరికా ఫెడరల్‌ రిజర్వ్‌ వడ్డీ రేట్లను పెంచవచ్చనే అంచనాలు, పెట్టుబడిదారులు లాభాల స్వీకరణకు మొగ్గు చూపడం వంటి కారణాలతో బంగారం ధరలపై ఒత్తిడి నెలకొంది. ఈ వారం కూడా ఇదే ధోరణి కొనసాగే అవకాశం ఉందని మార్కెట్‌ నిపుణులు భావిస్తున్నారు.
హైదరాబాద్ బులియన్‌ మార్కెట్‌లో 10 గ్రాముల 24 క్యారెట్ల బంగారం ధర రూ.1,58,230గా నమోదైంది. 22 క్యారెట్ల బంగారం ధర రూ.1,45,040గా ఉంది. కిలో వెండి ధర రూ.2,59,900 వద్ద కొనసాగుతోంది.
ఇవి కూడా చదవండి
తెలుగు రాష్ట్రాల్లోని విజయవాడ, విశాఖపట్నం, వరంగల్‌, నిజామాబాద్‌, గుంటూరు, ఖమ్మం తదితర నగరాల్లోనూ దాదాపు ఇవే ధరలు కొనసాగుతున్నాయి. ముంబై, కోల్‌కతా, బెంగళూరులో హైదరాబాద్ ధరలే ఉండగా, న్యూఢిల్లీలో 10 గ్రాముల 24 క్యారెట్ల బంగారం రూ.1,58,380గా ఉంది.
అంతర్జాతీయ మార్కెట్‌ పరిణామాల కారణంగా బంగారం, వెండి ధరల్లో రోజులోనే మార్పులు చోటుచేసుకునే అవకాశం ఉంది. అందువల్ల కొనుగోలు చేసే ముందు తాజా ధరలను పరిశీలించడం మంచిది.
