ఎల్‌నినో ప్రభావం 2027 ఫిబ్రవరి వరకు కొనసాగేందుకు 100 శాతం అవకాశం ఉందని ప్రపంచ వాతావరణ సంస్థ (డబ్ల్యూఎంఓ) తాజా అంచనాలో వెల్లడించింది. ఈ ఏడాది చివరి నాటికి ఎల్‌నినో తీవ్ర స్థాయికి చేరే అవకాశం ఉందని హెచ్చరించింది.
పసిఫిక్‌ మహాసముద్రంలో సముద్ర ఉపరితల ఉష్ణోగ్రతలు సాధారణం కంటే భారీగా పెరిగినట్లు డబ్ల్యూఎంఓ తెలిపింది. దీంతో ప్రపంచంలోని పలు ప్రాంతాల్లో అధిక ఉష్ణోగ్రతలు, కరవు, వర్షపాతంలో మార్పులు, కొన్ని చోట్ల భారీ వర్షాల ముప్పు పెరగొచ్చని పేర్కొంది.
ఎల్‌నినో ప్రభావం భారత్‌పైనా పడే అవకాశం ఉంది. సాధారణంగా ఎల్‌నినో బలపడినప్పుడు నైరుతి రుతుపవనాలు బలహీనపడే పరిస్థితులు ఏర్పడతాయి. ఇప్పటికే దేశంలో 16 శాతం వర్షపాతం లోటు నమోదైన నేపథ్యంలో ఆందోళన మరింత పెరిగింది.
ఇవి కూడా చదవండి
ఎల్‌నినో ప్రభావం కొనసాగితే వ్యవసాయం, నీటి వనరులు, విద్యుత్‌, ఆరోగ్య రంగాలపై ఒత్తిడి పెరిగే అవకాశం ఉందని డబ్ల్యూఎంఓ హెచ్చరించింది. ప్రభుత్వాలు ముందస్తు చర్యలు, విపత్తు సన్నద్ధతను బలోపేతం చేయాలని సూచించింది.
