అత్యవసర మెదడు శస్త్రచికిత్సతో రోగి ప్రాణాలు నిలబెట్టిన "మలక్ పేట్ యశోదా వైద్యులు"
రోడ్డు ప్రమాద బాధితుల్ని కాపాడడంలో సత్వర స్పందన, అధునాతన వైద్యం అత్యంత కీలకం
ఖమ్మం ప్రతినిధి: అక్టోబర్, 3: ఖమ్మం, అక్టోబర్ 3: రోడ్డు ప్రమాదంలో తీవ్రంగా గాయపడి మెదడులో రక్తస్రావం, వాపుతో పాటు మాస్ ఎఫెక్ట్, మిడ్‌లైన్ షిఫ్ట్ ఏర్పడిన 29 ఏళ్ల యువకుడికి తొలుత డీకంప్రెసివ్ క్రానియెక్టమీ నిర్వహించి, ఆ సమయంలో తొలగించిన పుర్రె ఎముక భాగాన్ని పొత్తికడుపు ముందు భాగంలో భద్రపరిచి, రోగి కోలుకున్న అనంతరం దానిని తిరిగి అమర్చి మలక్‌పేట్ యశోదా సూపర్ స్పెషాలిటీ ఆసుపత్రిలో విజయవంతంగా క్రానియోప్లాస్టీ నిర్వహించారు. ఖమ్మం జిల్లా అశ్వాపురానికి చెందిన చింతల సురేష్ రోడ్డు ప్రమాదంలో తీవ్రమైన ట్రామాటిక్ బ్రెయిన్ ఇంజ్యూరీకి గురయ్యారు. ఆయనకు లెఫ్ట్ ఫ్రంటల్ సబ్‌డ్యూరల్ హెమరేజ్‌తో కూడిన హెమరేజిక్ కంట్యూషన్, మాస్ ఎఫెక్ట్, మిడ్‌లైన్ షిఫ్ట్ ఏర్పడ్డాయి. వీటితో పాటు బైలేటరల్ ఫ్రంటల్, టెంపోరల్ సల్కల్ స్పేసెస్‌లో సబ్‌అరాక్నాయిడ్ హెమరేజ్, రైట్ ఫ్రంటోటెంపోరల్ సబ్‌డ్యూరల్ హెమరేజ్, ఫాల్సైన్ సబ్‌డ్యూరల్ హెమరేజ్, డిఫ్యూజ్ సెరిబ్రల్ ఎడిమా కూడా ఉన్నట్లు గుర్తించారు. కుడివైపు పెరైటల్, స్క్వామస్, మాస్టాయిడ్ టెంపోరల్ బోన్స్‌లో ఫ్రాక్చర్స్‌తో పాటు రైట్ ఎక్స్‌టర్నల్ ఆడిటరీ కెనాల్ యాంటీరియర్ వాల్ ఫ్రాక్చర్ కూడా ఏర్పడింది. తీవ్రమైన మెదడు గాయాల నేపథ్యంలో సురేష్‌కు లెఫ్ట్ ఫ్రంటో-టెంపోరో-పెరైటల్ డీకంప్రెసివ్ క్రానియెక్టమీ, డ్యూరోటమీ, సబ్‌డ్యూరల్ హెమరేజ్, లెఫ్ట్ ఫ్రంటల్ కంట్యూషన్ ఎవాక్యుయేషన్, సిస్టర్నోటమీ, సిస్టర్నల్ డ్రెయిన్ ప్లేస్‌మెంట్, జీ-ప్యాచ్‌తో డ్యూరాప్లాస్టీ నిర్వహించారు. ఈ శస్త్రచికిత్స సమయంలో తొలగించిన బోన్ ఫ్లాప్‌ను యాంటీరియర్ అబ్డామినల్ వాల్‌లో, అంటే పొత్తికడుపు ముందు భాగంలోని గోడలో భద్రపరిచారు. తొలి శస్త్రచికిత్స అనంతరం కోలుకున్న సురేష్‌కు పుర్రెలో ఏర్పడిన క్రానియెక్టమీ డిఫెక్ట్‌ను సరిచేసేందుకు సీనియర్ కన్సల్టెంట్ న్యూరో సర్జన్ డా. శ్రీనివాస్ బొట్ల పర్యవేక్షణలో జనరల్ అనస్తీషియా కింద లెఫ్ట్ ఫ్రంటో-టెంపోరో-పెరైటల్ బోన్ ఫ్లాప్ రీప్లేస్‌మెంట్ క్రానియోప్లాస్టీ నిర్వహించారు. పొత్తికడుపులో భద్రపరిచిన బోన్ ఫ్లాప్‌ను తిరిగి అమర్చి టైటానియం ప్లేట్లు, స్క్రూలతో స్థిరపరిచారు. శస్త్రచికిత్స అనంతర కాలం ఎలాంటి సమస్యలు లేకుండా సాగింది. ఫిజియోథెరపీతో పాటు ఐవీ యాంటీబయాటిక్స్, యాంటీఎపిలెప్టిక్స్, అనాల్జెసిక్స్, యాంటీఎమెటిక్స్, పీపీఐలు, ఐవీ ఫ్లూయిడ్స్ తదితర చికిత్స అందించారు. డిశ్చార్జ్ సమయానికి సురేష్ స్పృహలో, పరిసరాలపై అవగాహనతో, వైద్యుల ఆదేశాలకు స్పందించే స్థితిలో ఉన్నారు. వైటల్స్ స్థిరంగా ఉండగా గ్లాస్గో కోమా స్కేల్ ఈ4వీ5ఎం6, అంటే 15/15గా నమోదైంది. శస్త్రచికిత్స చేసిన గాయం కూడా ఆరోగ్యకరంగా ఉండటంతో తదుపరి వైద్య సూచనలతో ఆసుపత్రి నుంచి డిశ్చార్జ్ చేశారు. డా. శ్రీనివాస్ బొట్ల మాట్లాడుతూ, తీవ్రమైన ట్రామాటిక్ బ్రెయిన్ ఇంజ్యూరీలో మెదడులో రక్తస్రావం, వాపు, మాస్ ఎఫెక్ట్, మిడ్‌లైన్ షిఫ్ట్ వంటి సమస్యలు ఏర్పడినప్పుడు డీకంప్రెసివ్ క్రానియెక్టమీ అవసరమవుతుందని తెలిపారు. ఈ రోగిలో తొలగించిన బోన్ ఫ్లాప్‌ను యాంటీరియర్ అబ్డామినల్ వాల్‌లో భద్రపరిచారని, రోగి కోలుకున్న అనంతరం దానిని తిరిగి అమర్చి టైటానియం ప్లేట్లు, స్క్రూలతో స్థిరపరిచి క్రానియోప్లాస్టీ నిర్వహించినట్లు వివరించారు. శస్త్రచికిత్స అనంతరం రోగి పరిస్థితి స్థిరంగా ఉందని తెలిపారు. తీవ్రమైన తల గాయాల అనంతరం స్పృహ కోల్పోవడం, పదేపదే వాంతులు, తీవ్రమైన తలనొప్పి, సీజర్స్, అధిక నిద్రమత్తు వంటి లక్షణాలను నిర్లక్ష్యం చేయకుండా వెంటనే న్యూరో వైద్యులను సంప్రదించాలని యశోదా ఆసుపత్రి యాజమాన్యం సూచించింది.
