రూ.40 వేల లోపు స్మార్ట్‌ఫోన్ కోసం చూస్తున్న వారికి Redmi Note 17 Pro 5G ఆసక్తికరమైన ఆప్షన్‌గా నిలుస్తోంది. ఈ ఫోన్‌లోని 9000mAh సిలికాన్-కార్బన్ బ్యాటరీ దీని ప్రధాన ప్రత్యేకతగా చెప్పొచ్చు. ఒక్కసారి ఫుల్ ఛార్జ్ చేస్తే దాదాపు 21 గంటల 55 నిమిషాల పాటు నిరంతరంగా ఉపయోగించుకోవచ్చని పేర్కొంటున్నారు.
రూ.40 వేల లోపు ఫోన్లలో బ్యాటరీ బ్యాకప్ పరంగా ఇది గట్టి పోటీ ఇస్తోంది. 10,000mAh బ్యాటరీ ఉన్న POCO X8 Power సుమారు 20 గంటల 45 నిమిషాల బ్యాకప్ ఇవ్వగా, Vivo T5 దాదాపు 14 గంటల 42 నిమిషాలు పనిచేస్తుందని సమాచారం. సగటు వినియోగంలో Redmi Note 17 Pro 5Gను ఒక్కసారి ఛార్జ్ చేస్తే మూడున్నర రోజుల వరకు ఉపయోగించుకోవచ్చని కంపెనీ/రిపోర్టుల్లో పేర్కొంటున్నారు.
8GB RAM + 128GB స్టోరేజ్ వేరియంట్ ధర రూ.36,999 కాగా, 8GB + 256GB వేరియంట్ రూ.39,999గా ఉంది. ఈ ఫోన్ Snapdragon 6s Gen 4 ప్రాసెసర్‌తో పనిచేస్తుంది. Android 16 ఆధారిత Xiaomi HyperOS 3, నాలుగేళ్ల OS అప్‌డేట్స్, డ్యూయల్ స్టీరియో స్పీకర్స్, Dolby Atmos వంటి ఫీచర్లు ఉన్నాయి.
